गृहप्रवेश चारोळ्या व निमंत्रण संदेश

नवीन घरात प्रवेश हा प्रत्येक कुटुंबासाठी आयुष्यातील एक अविस्मरणीय आणि आनंदाचा क्षण असतो. गृहप्रवेश, वास्तुशांती किंवा वास्तुपूजन या मंगल प्रसंगी नातेवाईक आणि मित्रपरिवाराला आमंत्रित करण्यासाठी सुंदर चारोळी किंवा मनापासून लिहिलेला निमंत्रण संदेश पत्रिकेची शोभा वाढवतो. खाली तुमच्या vastushanti invitation साठी थेट वापरता येतील अशा गृहप्रवेश चारोळ्या आणि निमंत्रण संदेश दिले आहेत.

गृहप्रवेशासाठी सुंदर चारोळ्या

तुळशी वृंदावन, अंगणी रांगोळी, दाराशी तोरणांची सुंदर सजावट झाली, नव्या वास्तूच्या शुभप्रसंगी, आपली उपस्थिती असावी मनापासुनी

इवलेसे रोप लावले, आज त्याचा वृक्ष झाला, कष्टाच्या कमाईतून आमचा नवा महल सजला! वास्तू शांती आणि सत्यनारायण पूजेला नक्की यायचे हं!

घराच्या भिंतींना मिळाली स्वप्नांची साथ, आनंद घेऊन आली गृहप्रवेशाची पहाट, या मंगल सोहळ्याला या जरूर, आपल्या उपस्थितीने वाढेल आनंद भरपूर!

दारावर बांधले आंब्याचे तोरण, रांगोळी सजली दारी, आमच्या नवीन वास्तू पूजेला यावे आपण सर्वांनी सहकुटुंब सहपरीवारी!

नवे घर, नवी स्वप्ने, नवी आशा, आनंदाने भरला घराचा प्रत्येक कोपरा, गृहप्रवेशाच्या या मंगल सोहळ्याला, आपली उपस्थिती लाभावी हीच इच्छा!

वास्तू नवी, नाती जुनी, आनंदाची सजली मैफल सुहानी, गृहप्रवेशाच्या शुभक्षणी, यावे आपण सहकुटुंब आवर्जुनी!

गृहप्रवेश निमंत्रण संदेश

ईश्वराच्या कृपेने आमच्या नवीन वास्तूचे स्वप्न साकार झाले आहे.
या नव्या वास्तूत सुख, शांती आणि समृद्धी नांदावी यासाठी वास्तुशांती व गृहप्रवेश सोहळ्याचे आयोजन केले आहे.
या मंगल प्रसंगी आपण सहकुटुंब उपस्थित राहून आम्हाला शुभाशीर्वाद द्यावेत, ही नम्र विनंती.

आमच्या स्वप्नातील नवीन वास्तूचा गृहप्रवेश सोहळा आयोजित केला आहे.
या आनंदाच्या क्षणी आपल्या आप्तेष्टांसोबत हा आनंद साजरा करण्याची आमची मनापासून इच्छा आहे.
आपण सहकुटुंब उपस्थित राहून नव्या वास्तूला शुभेच्छा आणि आशीर्वाद द्यावेत, ही विनंती.

नव्या घराची… नव्या स्वप्नांची… नवी सुरुवात!
आमच्या स्वप्नातील नवीन वास्तूचा गृहप्रवेश करण्याचा आनंदाचा क्षण आला आहे.
या खास दिवसाचा आनंद आपल्यासोबत साजरा करण्यासाठी आपण सहकुटुंब आवर्जून यावे आणि आपल्या शुभेच्छांनी आमचे नवीन घर आशीर्वादित करावे.

ईश्वराच्या आशीर्वादाने आमच्या नवीन वास्तूमध्ये वास्तुशांती व गृहप्रवेश पूजन आयोजित केले आहे.
नव्या वास्तूत सुख, शांती, आरोग्य आणि समृद्धी सदैव नांदो, यासाठी आयोजित केलेल्या या मंगल सोहळ्यास आपण सहकुटुंब उपस्थित राहावे. आपल्या शुभेच्छा आणि आशीर्वादाने हा आनंद द्विगुणित करावा, ही नम्र विनंती.